ஏனைய கவிதைகள் | என் சொற்சித்திரங்கள்.. எத்தனை காலம் காத்திருப்பது....
Admin
2023-01-11
வானம்பாடி (முஜா)
எத்தனை காலம் காத்திருப்பது....
-----------------------------
எத்தனை காலம்
உனக்காய் காத்திருப்பது
முன்னொரு பொழுதில்
முரண்பட்டுக்கொண்ட ஞாபகங்கள்
இப்போதெல்லாம்
அன்பாய்
அவ்வப்போது சுயம் தொட்டு
ஆறுதல் வேண்டி நிற்க
அதன் வழித்தடங்கள் பற்றியே
நிபந்தனை விதிக்கிறாய்
நீயும்,
நிஜங்கள் மடிய
உருவம் வடிந்து கொண்டிருக்கும்
சாபமெனக்கு ,
வலிக்குமெனத் தெரிந்திருக்குமா உனக்கும் ,
நெருக்கி நெகிழ்த்தும்
தழும்புகளோடு
இன்னும்
எத்தனை காலம்
காத்திருப்பது உனக்காக.
வானம்பாடி.
Contact Us
#05, Hospital Road, Nintavur - 04, Sri Lanka
© 2023 ThoorigaiKadhal. All Rights Reserved
Solution by
Syntaks.